科大迎新營雞翼贊助再起風波 疑似莊員無悔意口出狂言：你贊助我就一定要？
發布時間： 2018/08/30 12:56
▲ 200隻雞翼因一句「Cancel」而失約，實在令人氣憤。
科大學生會為迎新營向髀魔店要求贊助200隻雞翼，後來學生失約，店主將事件放到網上及後瘋傳，科大校方已偕同學生會主席親身到店舖向店主道歉。店主事後發文網上表示已原諒對方，但有網民轉貼科大學生於網上的「狂言」，令網民依舊氣憤難平。
主力賣雞髀、雞翼的店舖髀魔早前收到來自科技大學的學生會冰川社三學生會迎新營贊助計劃書，想支持未來社會棟樑的他們答應贊助學生200隻雞翼，最後於昨日（8月29日）原定交收時間學生突然失約，追問下對方一句「Cancel」隨即便封鎖店主。
店主將事件放到網上後被瘋傳，科大學生被網民指責，科大校方已立即處理事件，當晚帶同相關學生到店舖向店主導道歉，店主立即發文表示已經原諒對方。
但道歉此舉仍未能平息網民的憤怒，有人將冰川社三會的成員起底，亦有人轉發科大學生於另一帖文的留言。其中提到：
都唔要人雞翼，Block佢好正常。OCamp咁忙，個電話大把msg（訊息），梗係要過濾。講咗話唔要仲想點？舖頭唔識賣咗佢嘅？如果舖頭最後掉咗啲雞翼，浪費嗰個係舖頭唔係個莊（學生會）囉。莊年中R幾十間舖頭Sponsor，漁翁撒網，最後比預期多咗，最後拒絕Sponsor又係正常不過。你贊助我就一定要？
其後更直言若店舖一日連200隻雞翼都未能賣出，就應該要倒閉，又以不合理的邏輯反駁其他回應他的網民，更直斥「200隻雞翼就睇得出老闆幾咁小氣(器)」
雖然事主雙方已經和解，但此科大學生留言被轉發後，更多網民出現為店主抱不平。
連喜愛「抽水」的政府環境保護署人物「大嘥鬼 Big Waster」都現身趁機呼籲大家珍惜食物。
